Kyle Walker, leikmaður Manchester City og enska landsliðsins, gæti verið frá næstu vikur eftir að hann meiddist í landsleik Englands og Brasilíu í kvöld.
Walker var fyrirliði Englendinga í kvöld en hann entist þó aðeins í tuttugu mínútur á vellinum áður en hann meiddist.
Varnarmaðurinn fór haltrandi af velli vegna meiðsla aftan í læri.
Englendingurinn er mikilvægur hluti af liði Manchester CIty, sem er í harðri titilbaráttu við Arsenal og Liverpool.
Walker reyndi að halda leik áfram en þurfti að fara af velli og kom Ezri Konsa inn í hans stað.
Það mun koma betur í ljós á næstu dögum hvort meiðslin séu af alvarlegum toga en þetta kemur á versta tíma.
Man City mætir Arsenal í næstu umferð á Etihad-leikvanginum, en sá leikur fer fram næstu helgi.
Athugasemdir
