Mynd: Getty Images

   23.03.2024 15:30

Jói bjartsýnn á að geta spilað - „Það róaði taugarnar ansi mikið"

Hann hefur aðeins spilað tvær mínútur í síðustu þremur leikjum en hann kom ekkert við sögu í 2-1 sigri liðsins á Brentford í síðasta leiknum fyrir landsleikjahléið.

Fótbolti.net ræddi við Jóa Berg í gær. Var Kompany bara búinn að velja aðra í liðið?

„Ég spilaði 90 mínútur á móti Palace, svo setti hann mig á bekkinn og hélt mér þar ansi mikið. Auðvitað er það svekkjandi og pirrandi en svona er fótboltinn, maður spilar víst ekki alla leiki," sagði Jóhann Berg.

„Maður verður bara að gera betur og koma sér aftur í liðið. Ég hef alltaf gert það og tel að ég muni gera það. Auðvitað vill maður alltaf vera inn á vellinum en það hefur ekki tekist undanfarnar vikur en við sjáum til hvað gerist þegar ég kem til baka."

Jóhann Berg er að jafna sig af meiðslum og var ekki klár í slaginn þegar Ísland vann Ísrael á dögunum en vonast til að verða klár þegar liðið mætir Úkraínu á þriðjudaginn í úrslitaleik um sæti á EM.