Mynd af gervigrasvelli Leiknis þar sem umræddur leikur fór fram.
Á fundi aga- og úrskurðarnefndar KSÍ 29. september var tekið fyrir mál vegna skýrslu frá dómara í leik Leiknis/KB og Þórs í B deild 2. flokks karla sem fram fór þann 20. september sl.
Tveir leikmenn Leiknis fengu rauða spjaldið í leiknum en dómari leiksins kallaði til lögreglu eftir leikinn.
Tveir leikmenn Leiknis fengu rauða spjaldið í leiknum en dómari leiksins kallaði til lögreglu eftir leikinn.
Ákvað nefndin, með vísan til ákvæða 36.1. og ákvæða 36.3 í reglugerð KSÍ um knattspyrnumót, að sekta Leikni og KB samanlagt um samtals kr. 100.000 og um leið að úrskurða Leon Einar Pétursson, þjálfara Leiknis/KB í 2. flokki karla, í tveggja leikja bann
Leikbann Leons tekur gildi við uppkvaðningu úrskurðar og bætist við þriggja leikja bann sem Leon var úrskurðaður í á fundi aga- og úrskurðarnefndar þann 22. september sl.
Leon stýrði liði Leiknis í 3-2 tapi gegn Þór þrátt fyrir að hafa átt að taka út leikbann. Nafn Leons var ekki skráð á leikskýrslu en hann fékk rauða spjaldið í leiknum sjálfum.
„Jafnframt er það mat aga- og úrskurðarnefndar að leikskýrsla í leik Leiknis/KB og Þórs í B deild 2. flokks karla hafi vísvitandi verið ranglega fyllt út af hálfu Leiknis/KB. Nafn þjálfara Leiknis/KB, Leon Einar Pétursson, hafi ekki verið skráð á leikskýrslu þrátt fyrir að hann hafi í raun verið í hlutverki þjálfara liðs Leiknis/KB og stýrt liðinu í framangreindum leik," segir í úrskurðinum.
Í samræmi við grein 36.3. í reglugerð KSÍ um knattspyrnumót er liði Þórs úrskurðaður 0-3 sigur í leik liðsins gegn Leikni/KB í B deild Íslandsmóts 2. flokks karla þann 20. ágúst. Þór vann leikinn upphaflega 3-2.
Sjá einnig:
Lögregla kölluð til á Leiknisvelli vegna illdeilna og hótana
Athugasemdir
