Arsenal leggur fram tilboð - Schick til Englands - Emi á útleið og fer Inzaghi til Sádi?
banner
laugardagur 10. maí
Besta-deild karla
Lengjudeild karla
miðvikudagur 7. maí
Lengjudeild kvenna
mánudagur 14. apríl
Besta-deild karla
laugardagur 12. apríl
Mjólkurbikar karla
föstudagur 11. apríl
Meistarar meistaranna konur
þriðjudagur 8. apríl
Þjóðadeild kvenna
laugardagur 5. apríl
Besta-deild karla
föstudagur 4. apríl
Þjóðadeild kvenna
fimmtudagur 3. apríl
Mjólkurbikar karla
sunnudagur 30. mars
Meistarar meistaranna
föstudagur 28. mars
Bosemótið - Úrslit
Úrslit Lengjubikars kvenna
þriðjudagur 25. mars
Kjarnafæðimót - úrslit
föstudagur 9. maí
WORLD: International Friendlies
Ukraine U-16 - Hungary U-16 - 07:00
Dominica 0 - 0 Barbados
fim 04.maí 2023 20:00 Mynd: Fótbolti.net - Hafliði Breiðfjörð
Magazine image

Spá þjálfara og fyrirliða fyrir Lengjudeildina: 2. sæti

Fótbolti.net kynnir liðin sem leika í Lengjudeildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin stig frá 1-11 eftir því en ekki var hægt að spá fyrir sínu eigin liði.

Spáin:
1. ?
2. Grindavík, 211 stig
3. Fjölnir, 203 stig
4. Leiknir R., 162 stig
5. Grótta, 161 stig
6. Afturelding, 151 stig
7. Vestri, 135 stig
8. Þór, 98 stig
9. Njarðvík, 79 stig
10. Selfoss, 70 stig
11. Þróttur R., 58 stig
12. Ægir, 27 stig

2. Grindavík
Pund fyrir pund lang reynslumesta og gæðamesta liðið í deildinni, ef liðið smellur saman er það vél sem á að verða óstöðvandi í þessari deild og verður forvitnilegt að sjá hvernig Grindvíkingar munu spila úr öllum þeim spilum sem þeir hafa á hendi. Helgi Sig er all-in með ásapar á hendi, svo er bara spurning hvaða spil hann fær á borðið hvort hann hirði allan pottinn eða sitji eftir með sárt ennið.



Þjálfarinn: Helgi Sigurðsson er með reynslu af því að fara upp úr þessari deild en nú er leiðin aðeins flóknari þar sem nú er einungis efsta sætið öruggt með farmiða upp. Helgi fór upp með Fylki 2017 og ÍBV 2021. Á síðasta tímabili var hann aðstoðarþjálfari Vals.


Helgi Sig

Styrkleikar: Ótrúleg reynsla og gríðarleg gæði í leikmannahópnum, stórir drífandi karakterar sem draga vagninn, einstaklingar sem geta klárað leiki í þessari deild upp á eigin spýtur.


Reynsla

Veikleikar: Margir haft áhyggjur af jafnvæginu í hópnum, hvort það þurfi ekki yngri og ferskari stráka í bland við þá reynslumiklu sem eru til staðar, jafnvægið lagaðist mikið við að fá Blikana ungu Tómas Orra og Dag Fjeldsted, er það nóg?

Lykilmenn: Mikilvægt að Bjarki Aðalsteinsson stýri varnarleiknum, Guðjón Pétur Lýðsson getur sent boltann hvert sem hann vill og Óskar Örn Hauksson er geitin.


Óskar Örn

Fylgist með: Dagur Fjeldsted, eldfljótur og teknískur kantmaður sem var að fá tækifæri hjá Breiðablik í vetur og það ekki að ástæðulausu, á að geta sett svip sinn á Grindavíkurliðið og Lengjudeildina í sumar ef hann fær traustið hjá Helga Sig.


Dagur Örn Fjeldsted

Komnir
Alexander Veigar Þórarinsson frá GG
Bjarki Aðalsteinsson frá Leikni
Dagur Austmann Hilmarsson frá Leikni
Dagur Traustason á láni frá FH
Dagur Örn Fjeldsted á láni frá Breiðabliki
Edi Horvat frá Slóvakíu
Einar Karl Ingvarsson frá Stjörnunni
Kristófer Konráðsson frá Stjörnunni (var á láni hjá Leikni)
Marko Vardic frá Slóveníu
Martin Montipo frá Vestra
Óskar Örn Hauksson frá Stjörnunni
Tómas Orri Róbertsson frá Breiðabliki á láni


Dagur Austmann kom frá Leikni

Farnir
Aron Jóhannsson í Fram
Hilmar Andrew McShane í Gróttu
Josip Zeba til Austurríkis
Juan Martinez til Spánar
Kairo Edwards John til Englands
Kenan Turudija
Kristófer Páll Viðarsson í Reyni S. (á láni)
Nemanja Latinovic
Tómas Leó Ásgeirsson í Víði
Vladimir Dimitrovski

Líklegt byrjunarlið


Fyrstu þrír leikir Grindavíkur:
5. maí, ÍA - Grindavík (Norðurálsvöllurinn)
12. maí, Grindavík - Grótta (Grindavíkurvöllur)
21. maí, Grindavík - Njarðvík (Grindavíkurvöllur)
Athugasemdir
banner