Zinedine Zidane segir að hann muni bráðlega snúa aftur í þjálfun því ástríða sín liggi í því að vera á æfingasvæðinu á hverjum degi. Zidane hefur verið orðaður við Manchester United. (Mirror)

Tottenham og Barcelona hafa bæði gert tilboð sem var hafnað í hollenska miðjumanninn Frenkie de Jong (21) hjá Ajax. (Mundo Deportivo)

Bakvörðurinn Luke Shaw (23) hjá Manchester United lætur félag sitt bíða eftir ákvörðun um að skrifa undir nýjan samning. Núgildandi samningur hans rennur út eftir tímabilið. (Sun)

Shaw fer í ítarlega skoðun hjá læknaliði United í dag eftir að hafa lent í harkalegum árekstri í 2-1 tapi Englands gegn Spáni á laugardag. (Mail)

Manchester United gæti hætt að eltast við miðvörðinn Harry Maguire (25) eftir að hann gerði nýjan samning við Leicester. (Times)

Paul Pogba (25) segir að það hafi alltaf verið „eitthvað smávægilegt" milli hans og Jose Mourinho en að samband þeirra sé ekki breytt. (TF1)

Maurizio Sarri, stjóri Chelsea, vill fá varnarmennina Alessio Romagnoli (23) og Mattia Caldara (24) frá AC Milan í janúarglugganum. (Mail)

West Ham stendur með Manuel Pellegrini og telur að hann geti snúið slæmri byrjun liðsins við. (Sun)

John Terry (37), fyrrum varnarmaður Chelsea, er á leið til Spartak Moskvu. Hann getur þó ekki spilað komandi Evrópuleiki með liðinu þar sem félög eru búin að skila inn leikmannahópum sínum til UEFA. (Mirror)

Ensku úrvalsdeildarfélögin munu samþykkja að næsti sumargluggi verði aftur settur til 31. ágúst. (Sun)

Spænski varnarmaðurinn Sergio Ramos (32) hjá Real Madrid segist hafa fengið líflátshótanir eftir þátt sinn í meiðslum Mohamed Salah (26) hjá Liverpool í úrslitaleik Meistaradeildarinnar í maí. (ESPN)

Gareth Southgate, landsliðsþjálfari Englands, mun gera níu breytingar á liði sínu fyrir vináttulandsleikinn gegn Sviss. (Mirror)

Enska knattspyrnusambandið hefur áhyggjur af því að Southgate hætti eftir EM 2020. Hann hefur ekki skrifað undir framlengingu. (Mail)

Roma hefur áhuga á að fá mexíkóska miðjumanninn Hector Herrera (28) frá Porto. (Corriere dello Sport)

Jermain Defoe (35) sóknarmaður Bournemoth íhugar að snúa sér að þjálfun í framtíðinni. (Bournemouth Echo)