„Evrópukeppnin er alltaf skemmtileg og gefur sumrinu smá krydd, maður kúplar sig út úr deildinni. Þessi klúbbur þekkir það vel að ganga vel í Evrópukeppni og þetta getur verið mikið ævintýri."

„Við ætlum að reyna að nýta okkur þetta vel og ná góðum úrslitum á móti þessu írska liði."

Baldur segist vera með nokkuð góða mynd af því hvernig þetta írska lið spilar fótbolta.

„Okkar þjálfarateymi er búið að sýna okkur virkilega mikið af klippum frá þeim og við erum komnir með nokkuð góða mynd af því hvernig þeir spila. Þeir eru náttúrulega alltaf kraftmiklir og fínir í fótbolta. Við þurfum að mæta vel stemmdir."

Baldur vill sjá alvöru stemningu í stúkunni í kvöld.

„Ég hvet alla Garðbæinga til að koma á völlinn. Við lofum því að spila góðan leik, við ætlum að leggja okkur fram og gera allt til þess að heilla áhorfendur. Við erum mjög peppaðir fyrir þessum leik. Ég vona að það verði uppselt."

Hitað verður upp fyrir leikinn fyrir utan Mathúsið í Garðabæ í dag með hoppukastala og fjöri.

Viðtalið má sjá í heild sinni hér að ofan.