Sérfræðingarnir sem spáðu eru:
Aðalsteinn Víglundsson, Ásgeir Sigurvinsson, Bjarni Jóhannsson,  Guðmundur Hreiðarsson, Hörður Magnússon, Logi Ólafsson, Njáll Eiðsson, Pétur Pétursson, Samúel Örn Erlingsson, Sigurður Jónsson og Víðir Sigurðsson.

Hvað segir Sigurður?
Sigurður Jónsson þjálfari Víkinga er sérstakur álitsgjafi okkar um efstu deild karla. Sigurður hefur séð mikið af leikjum á undirbúningstímabilinu og hefur gríðarmikla þekkingu á íslenska boltanum.

Um liðið 
KR eru komnir með nýjan þjálfara, nýjar áherslur og þeir verða auðvitað feykiöflugir í sumar. Það er auðvitað bara stórslys ef þeir eru ekki að berjast um 1. sætið í deildinni. Þeir hafa stjörnum prýtt lið og þeir virðast allir hafa verið að æfa vel í vetur. Kannskí ólíkt því sem hefur verið í gangi undanfarin ár þegar þeir hafa verið í basli en það er breyting á því.

Þeir eru búnir að fá til sín leikmenn eins og Bjarnólf og Tryggva og auðvitað Grétar. Með Garðar heilan, Grétar og Tvíburana í standi þá verða þeir hættulegir. Þeir eru með mjög mikið af einstaklingum sem geta einfaldlega klárað leiki en það er spurning hvort hann nái að finna réttu blönduna í varnarleiknum. Þeir fengu þarna vinstri bakvörð frá Hondúras en mestu skiptir að þeir hafa marga leikmenn sem geta klárað leiki upp á eigin spýtur.

Þeir hafa jafnvægi í allan pakkann. Þeir eru með mjög góðan og reynslumikinn markmann. Hann lítur nú ágætlega út Færeyingurinn og þeir virðast vera í mjög góðu líkamlegu formi.

Síðan er Bjarnólfur djúpur og Venni mikið í að skapa og búa til og svo er spurning um hraðann á vængjunum. Síðan eru þer með eðal blönduna frammi, einn stóran og sterkan í loftinu og gríðarlega tækni og hraða í hinum, Grétari. Þeir eru auðvitað líkt og FH með frábæran mannskap og það væri stórslys ef þessi lið væru ekki í baráttunni um titilinn. Það er mjög erfitt að keppa við þessi lið, þau geta fengið til sín leikmenn eins og Grétar þar sem þú ert öruggur með að fá 10-15 mörk frá honum í deildinni. Þegar hann er í góðu liði eins og KR þá eykur það bara líkurnar á því að hann skori, ég held að hann hafi aldrei verið undir 10 og hann kemur til með að vera í 10 og yfir núna. Svo eru þeir auðvitað með Arnar og ef hann er heill þá verður það sterkt en aðal málið er kannski hvernig þeim tekst að halda öllum leikmönnunum ánægðum. Þetta eru auðvitað allt leikmenn sem vilja vera í 11 manna liðinu, þegar þú ert með þetta mikla breidd og allir eru ánægðir að þá getur verið erfitt að halda öllum ánægðum.

Spennandi að fylgjast með
Það verður gaman að sjá hvernig Grétar kemur út í nýju liði og hvort að Bjarnólfur nái að róa sig, að hann verði ekki alltaf í gulu og rauðu spjöldunum. Hann verður að passa sig, þeir voru ekki að kaupa hann til þess. En það er alltaf gaman að fara á leiki og sjá Tvíburana í formi, ég vona það bara innilega að svo verði. Þeir hafa verið í basli unanfarið en virðast vera í finu standi núna. 

Þjálfarinn:
Þjálfari KR er Magnús Gylfason.  Magnús Gylfason tók við ÍBV í nóvember 2002 og gerði tveggja ára samning.  Hann hafði áður þjálfað yngri landslið Íslands við góðan orðstýr auk þess að stjórna 2. flokki KR og hafa verið aðstoðarþjálfari meistaraflokks KR.   Á síðara ári sínu með ÍBV, á síðustu leiktíð, náði hann öðru sæti deildarinnar og liðið átti möguleika á Íslandsmeistaratitli allt fram til loka deildarinnar.  Hann tók svo við KR í haust.

Lestu viðtal okkar við Magnús

Völlurinn:
Þrátt fyrir að fá sæti séu á KR vellinum og aðstaða áhorfanda ekki eins og best þekkist er umgjörðin í kringum leiki liðsins langflottust í deildinni. Alls komast 3500 áhorfendur á KR völlinn en þar af eru aðeins 550 sæti.

Vefsíðumál:
Vefsíðumál KR inga hafa undanfarin ár þótt mikið klúður hjá svo stóru félagi en úr því hefur verið bætt og tvær góðar síður fjalla um KR. Spurning hvort ein eigi ekki að nægja hinsvegar og menn því að taka ákvörðun um hvor þeirra sé vefsíða félagsins  Á KRReykjavik.is er spjallborð þar sem stuðningsmennirnir fá að tjá sig en fréttaflutningur hefur ekki verið neinn síðan í febrúar.  Á KR.is/Knattspyrna er hinsvegar reglulegur fréttaflutningur og ljóst að þau mál hafa verið bætt verulega frá fyrra ári. 

Stuðningsmenn:
Meðal þekktra stuðningsmanna KR eru: Björgólfur Guðmundsson, Björgólfur Thor, Bubbi Morthens poppstjarna, Gísli Marteinn Baldursson sjónvarpsstjarna, Ingibjörg Sólrún Gísladóttir varaþingkona, Bogi Ágústsson fréttamaður, Þröstur Emilsson fréttamaður, Mörður Árnason þingmaður, Egill Helgason, Haukur Hólm, Geir H. Haarde fjármálaráðherra, Óli Björn Kárason, Gunnar Smári Egilsson ritstjóri, Bjarni Felixson íþróttafréttamaður.

Spáin

Um félagið

Komnir og farnir

Leikmenn KR

Leikir KR