Hvað segir Sigurður?
Sigurður Jónsson þjálfari Víkinga er sérstakur álitsgjafi okkar um efstu deild karla. Sigurður hefur séð mikið af leikjum á undirbúningstímabilinu og hefur gríðarmikla þekkingu á íslenska boltanum.

Um liðið 
Keflavíkurliðið er búið að missa marga góða leikmenn eins og önnur lið. Þeir hafa bara misst of marga sterka pósta og vantar bara 5-6 leikmenn til að geta keppt í deildinni. Þeim vantar betri mannskap inn í þetta en Guðjón er auðvitað á fullu í að vinna í því og þetta mun breytast mikið þegar komið er inn í mót með tilkomu nýrra leikmanna.

Þeir eru með menn þarna fram á við sem geta klárað færin. Hörður og Guðmundur, þeir hafa bæði hraða og spyrnugetu. Miðjan er ákveðið spurningamerki, hún hefur ekki alveg verið nægilega sterk þeir þurfa að bæta við sig þar. Þeir eru auðvitað búnir að missa mikið af leikmönnum, það er mikill missir að hafa misst Stefán og eins með Harald. Þetta eru sterkir póstar. 

Ómar markmaður á auðvitað eftir að sanna sig. Hann hefur verið ójafn í vetur eftir því sem ég hef séð.  Magnús hefur heldur ekki átt neina stjörnuleiki þannig að markvarslan er spurningamerki.

En Guðjón er auðvitað hörku þjálfari og hann veit alveg hvað hann þarf að gera til að ná árangri. Það verður athyglisvert að sjá hvað verður með þetta lið þegar allir eru komnir því það á eftir að bætast töluvert í, ég hef trú á því. Það er auðvitað alls ekki gott að vera að fá menn svona seint inn í þetta, kannski tveimur vikum fyrir mót og minna. Það getur verið erfitt að koma mönnum í rétta gírinn. Mótið byrjar líka alveg með trukki og 1/3 af mótinu er náttúrulega búinn áður en þú veist af. Það er auðvitað veikleiki að þurfa að vera að fá menn núna rétt fyrir mót og þurfa að slípa þetta saman, það tekur alltaf tíma. Það er mjög slæmt fyrir þá að vera að fá leikmenn núna það er ef þú ert að fá svona marga. Það er allt í lagi með einn eða tvo en ef þú ert að fá kannski fjóra til fimm leikmenn sem þú ætlar að láta spila í sumar þá tekur það þá alltaf tíma til að aðlagast þessu.

En Keflvíkingarnir eru auðvitað að leggja mikið í þetta og vænta auðvitað eftir því. Þeir urðu bikarmeistarar í fyrra og eru í Evrópukeppninni og fara að setja allt í þetta núna. Þeir hafa lagt út töluvert fjármagn og þeir vænta auðvitað þess að þegar nýju leikmennirnir verði komnir þá verða þeir í baráttunni um Evrópusæti.

Veikleikar
Helstu veikleikar Keflavíkurliðsins eru náttúrulega varnarleikurinn. Hann hefur alls ekki verið traustvekjandi en það lítur út fyrir að það verði komnir tveir nýjir varnarmenn inn fyrir mót (Svíinn kominn)

Spennandi að fylgjast með
Það verður spennandi að fylgjast með Húsvíkingnum Baldri Sigurðssyni, ég hef ekki séð mikið af honm en eftir því sem ég hef heyrt þá er þarna á ferðinni stórefnilegur leikmaður. Svo verður athyglisvert að fylgjast með sóknarparinu Guðmundi og Herði og auðvitað nýju leikmönnunum.

Þjálfarinn:
Guðjón Þórðarson þjálfar Keflavík eftir að hafa komið heim úr atvinnumennskunni.  Guðjón þykir hafa skap og sannast það líklega best á því að hann neitar með öllu að eiga samskipti við Fótbolta.net um alla framtíð.

Ekkert viðtal við Guðjón

Völlurinn:
Alls komast um 4000 áhorfendur á Keflavíkurvöll en þar eru steypt stæði öðrumegin við völlinn og yfir hluta þeirra er þak.  Örfá sæti eru í stúkunni.

Klúbburinn:
K-Klúbbur, síðan er verið að stofna Fjölskyldu og stuðningsmannaklúbb og einnig er að fara í gang félagskapur eldri leikmanna og stjórnarmanna "Lávarðadeildin" Þeir gefa góð ráð, spá í leikina rifja upp gamla sigurleiki og fl. K-klúbbur 20,000,- Foreldraklubbur td. 4 manna fjölskylda 15,000,- innifalið, miðar fyrir alla fjölskylduna á völlinn, Keflavíkur-bolur, skemmtanir, happdrætti og fl. í hverjum leik. Fjölskylduferð á útileik. Lávarðadeildin kostar ársmiða á völlinn, fá kaffi fyrir leik og í leikhlé, sögustund.

Lukkudýr:
Keli Keflvíkingur er "maður" allra í Reykjanesbæ.

Aðgangseyrir:
1200 krónur

Leikskrá:
Eru með leikskrá en ætla að taka þátt í sameiginlegri útgáfu verði af því hjá öllum Landsbankadeildarliðum.

Vefsíðumál:
Keflvíkingar hafa nýlega uppfært vefsíðu sína og er það til bóta.  Heldur skortir á að þeir séu fyrstir með fréttir af liðinu og hefur það yfirleitt komið í okkar hlut að gera það við mismikla hrifningu manna.  Frábært er að sjá að framkvæmdastjóri deildarinnar ritar reglulega pistla um það sem er að gerast hjá og tengt félaginu en Keflavík er eina félagið sem hefur þann háttinn á.

Stuðningsmenn:
Meðal þekktra stuðningsmanna Keflavíkur eru: Rúnar Júlíusson eilífðarrokkari og fyrrum landsliðsmaður í knattspyrnu, Kjartan Másson, Guðni Kjartansson.

Spáin

Um félagið

Komnir og farnir

Leikmenn Keflavíkur

Leikir Keflavíkur