,,Ég fékk tækifæri til að fara á láni til Bröndby og ég get ekki beðið eftir að byrja. Ég vil fá spiltíma og reynslu í stærri deild. Það er aðalmálið," sagði Hólmbert við Fótbolta.net í dag en fleiri félög sýndu honum áhuga.

,,Það var eitthvað að gerast. Sumt gekk upp og annað ekki en þetta gekk upp hjá Bröndby og ég er ánægður með niðurstöðuna."

Hólmbert er í U21 árs landsliðinu sem mætir Armenum á Fylkisvelli á miðvikudag og Frökkum ytra á mánudag.

,,Það er mjög góð stemning í hópnum. Við erum alltaf klárir í landsleiki," segir Hólmbert en íslenska liðið á ennþá möguleika á að komast áfram í umspil.

,,Þetta er erfitt. Við þurfum að taka fjögur stig úr þessum tveimur leikjum og við þurfum að gera það."

Hér að ofan má sjá viðtalið í heild sinni.