Fekir í leik með Lyon
Franska ungstirnið Nabil Fekir varð fyrir miklu áfalli í gærkvöldi þegar í ljós kom að meiðsli sem hann hlaut í æfingaleik Frakklands og Portúgal munu halda honum frá keppnisvellinum í allt að sex mánuði.
Þessi 22 ára gamli sóknarmaður byrjaði í fremstu víglínu við hlið Karim Benzema en þurfti að yfirgefa völlinn eftir fjórtán mínútna leik vegna meiðsla.
Hann var umsvifalaust sendur í skoðun og leiddi hún í ljós að hann reif liðbönd í hægra hné.
Þetta er mikið áfall fyrir Lyon en Fekir spilar lykilhlutverk í sóknarleik liðsins og hefur skorað fjögur mörk í fyrstu fjórum leikjum liðsins.
Hann hefur reglulega verið orðaður við lið á borð við Arsenal og Man City en hann var þarna að leika sinn fimmta A-landsleik.
Athugasemdir
