Arsene Wenger, stjóri Arsenal, segir að Danny Welbeck hefði ekki komið til félagsins frá Manchester United ef hann hefði verið sjálfur á Englandi á lokadegi félagaskiptagluggans.
Wenger var staddur í Róm á Ítalíu þar sem góðgerðarleikur fór fram.
Welbeck kom til Arsenal frá Manchester United á 16 milljónir punda rétt fyrir lok félagaskiptagluggans en Wenger segist sjálfur hafa upphaflega viljað fá leikmanninn á láni.
Wenger var staddur í Róm á Ítalíu þar sem góðgerðarleikur fór fram.
Welbeck kom til Arsenal frá Manchester United á 16 milljónir punda rétt fyrir lok félagaskiptagluggans en Wenger segist sjálfur hafa upphaflega viljað fá leikmanninn á láni.
,,Ef ég hefði verið heima þá væri hann ekki hérna núna," sagði Wenger á fréttamannafundi í morgun en hann vildi ekki útskýra orð sín nánar þó að fréttamenn hafi gengið á hann.
Welbeck gæti spilað sinn fyrsta leik þegar Arsenal mætir Manchester City á laugardag.
,,Ég get ekki sagt ykkur hvort Welbeck muni byrja en það er möguleiki. Ég þarf að skoða hópinn," sagði Wenger.
Athugasemdir