„Þó þetta sé gott lið þá spiluðum við mjög vel. Við gefum þau tvö mjög auðveld mörk, þeir eiga ekki að skora úr þessu," sagði Birkir Bjarnason miðjumaður Íslands eftir 2-0 tap gegn Króatíu í undankeppni HM 2018 í kvöld.
Lestu um leikinn: Króatía 2 - 0 Ísland
„Grasið var ekki það besta heldur. Við erum voðalega svekktir," hélt Birkir áfram en Ísland spilaði mjög vel í fyrri hálfleik.
„Jájá, við spiluðum vel á móti þessu liði en við verðum að nýta færin þegar við fáum þau. Við fengum nokkrar skyndisóknir á þá og verðum að nýta það betur. En þetta er gríðarlega svekkjandi."
„Það voru allir mjög svekktir í klefanum eftir leik. Við höfum setið hérna áður og tapað. Við hefðum getað verið í efsta sæti eftir leikinn og erum gríðarlega svekktir að hafa tapað þessu."
Nánar er rætt við hann í sjónvarpinu að ofan.
Athugasemdir