Brasilíski kantmaðurinn Vinicius Junior er ósáttur með kynþáttafordóma innan spænska fótboltaheimsins og vonast til að UEFA skerist í leikinn í nýjasta fordómamálinu þar í landi.
Það birtist myndband af stuðningsmönnum Atlético Madrid syngja fordómafulla níðsöngva í garð Vinicius fyrir leik Atletico gegn Inter í 16-liða úrslitum Meistaradeildar Evrópu í gærkvöldi.
Spænska deildin, La Liga, er búin að tilkynna níðsöngvana til hatursglæpadeildar saksóknaraembættisins á Spáni en Vinicius vill líka sjá viðbrögð frá UEFA.
„Ég vona að þið séuð búnir að komast að viðeigandi refsingu fyrir þetta athæfi. Það er sorgleg staðreynd að þetta gerist líka á leikjum sem ég er ekki einu sinni að spila!" skrifaði Vinicius á samfélagsmiðlinum X.
Espero que vocês já tenham pensado na punição deles. @ChampionsLeague ???????? @UEFA ???????? é uma triste realidade que passa até nos jogos que eu não estou presente! https://t.co/IDHAkG9H6S
— Vini Jr. (@vinijr) March 14, 2024
Athugasemdir