Líklegt er talið að Arsene Wenger láti af störfum sem knattspyrnustjóri Arsenal í sumar eftir langa þjónustu. 5-1 tapið gegn Bayern München gerir það að verkum að flestir eru á því að tími sé kominn fyrir Wenger að stíga af stóli. Goal.com tók saman lista yfir tíu menn sem gætu tekið við stjórnartaumunum á Emirates eftir tímabilið.
MASSIMILIANO ALLEGRI | Juventus | Er að fara að gera Juventus að meistara þriðja tímabilið í röð. Sagan segir að hann vilji nýja áskorun á Englandi. Líklegastur til að taka við af Wenger.
RAFAEL BENÍTEZ | Newcastle United | Ekki efstur á óskalista stuðningsmanna Arsenal en sögusagnir um að hann tæki Thierry Henry inn sem aðstoðarmann.
THIERRY HENRY | Aðstoðarþjálfari Belgíu | Goðsögn sem leikmaður hjá félaginu og fengi fullan stuðning frá aðdáendum. Reynsluleysið býr til stórt spurningamerki.
EDDIE HOWE | Bournemouth | Ungur og spennandi stjóri sem hefur verið nefndur sem næsti stjóri Arsenal. Hefur ekki unnið leik á árinu 2017 og færst aftar í röðina.
LEONARDO JARDIM | Mónakó | Hans menn tróna á toppi frönsku deildarinnar og hafa skorað flest mörk í toppdeildum Evrópu.
JOACHIM LÖW | Þýskaland | Heimsmeistarinn framlengdi óvænt samningi sínum út HM 2018. Ef símtalið kemur frá Arsenal gæti hann þó freistast.
ROBERTO MANCINI | Án félags | Varð Englandsmeistari þegar hann stýrði Manchester City. Þekktur fyrir að versla mikið og vel.
ROGER SCHMIDT | Bayer Leverkusen | Þjóðverjinn hefur aldrei farið leynt með að hann vill þjálfa á Englandi. Á það á ferilskránni að leggja Tottenham sem er plús fyrir stuðningsmenn Arsenal!
THOMAS TUCHEL | Borussia Dortmund | Ungur og spennandi fótboltaheili sem lætur sitt lið spila bolta sem er fallegur fyrir augað.
PATRICK VIEIRA | New York City FC | Goðsögn sem leikmaður. Ferilskráin stingur samt einhverja í augun en hann var þjálfari varaliðs Manchester City.
Athugasemdir
