„Þetta kom upp í byrjun sumars en ég lagði þetta til hliðar. Svo vildi ég vera búin að taka ákvörðun fyrir EM. Þetta kláraðist núna í vikunni," segir Glódís.

Hún segir að hún hafi ekki verið að skoða fleiri félög. Hún yfirgefur lið Eskilstuna til að ganga í raðir Rosengard.

„Mér finnst þetta rétt skref fyrir mig. Þetta er frábær klúbbur sem er með sigurhefð og hefur skilað frá sér frábærum leikmönnum í gegnum tíðina. Ég vil taka næsta skref í minni þróun og verða betri."

Sara Björk Gunnarsdóttir landsliðsfyrirliði lék fyrir Rosengard. Hún hafði samband við Glódísi og fór fögrum orðum um félagið.

„Það hjálpaði mér að gefa mér innsýn inn í það sem félagið er að gera."

„Mig hefur í mörg ár langað að spila fyrir Rosengard. Það var draumur hjá mér þegar ég var svona fimmtán ára. Það er ákveðinn draumur og markmið að rætast og ég er rosalega spennt," segir Glódís.

Arnar spurði Glódísi að því hvort hún yrði ríkari fjárhagslega á skiptunum?

„Ég held að maður verði aldrei ríkur í kvennaboltanum því miður. En Rosengard hefur vissulega meiri pening en mörg lið."

Sjá einnig:
Freysi: Glódís gæti spilað með Lyon og Barcelona

Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.

Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki