Igor Tudor er tekinn við félaginu og telja ítalskir fjölmiðlar að hann hafi fengið tæplega 18 mánaða samning hjá Lazio, sem gildir út næstu leiktíð eða þar til í júní 2025.

Tudor hefur áður stýrt Udinese og Verona í ítalska boltanum en á ferli sínum sem leikmaður var hann hjá Juventus frá 1998 til 2007. Hann þekkir því vel til á Ítalíu.

Tudor er 45 ára gamall og var síðast við stjórnvölinn hjá Marseille, en hann hefur einnig stýrt Hajduk Split, PAOK, Karabukspor og Galatasaray á ferlinum.

Hann tekur við Lazio sem hefur verið að spila undir getu á tímabilinu og situr í níunda sæti ítölsku deildarinnar, fjórum stigum frá evrópusæti.