Lucas Leiva gekk til liðs við Liverpool árið 2007 frá Gremio í Brasilíu og hafði því verið hjá liðinu í 10 ár, lengst allra núverandi leikmanna.

Lucas, sem að lék 346 leiki fyrir þá rauðklæddu, fór í viðtal við vefsíðu félagsins þar sem hann kvaddi formlega.

„Liverpool er sérstakur staður og sérstakt lið, ólíkt öllu öðru,"

„Stuðningsmennirnir eru svo stór hluti af þessu félagi, jafnvel stærsti hlutinn af félaginu því án þeirra væri félagið ekkert."

„Ég vil þakka öllum fyrir stuðninginn öll þessi ár, sérstaklega á erfiðum tímum. Ég mun halda áfram að horfa á og styðja Liverpool og ég mun klárlega heimsækja borgina aftur einn daginn."