Varnarmaðurinn Hjörtur Hermannsson segir að sér lítist ljómandi vel á verkefnið framundan. Hjörtur er í líklegu byrjunarliði Fótbolta.net fyrir umspilsleikinn mikilvæga gegn Ísrael sem fram fer á fimmtudagskvöld.
„Uppleggið er að fara í tvo úrslitaleiki en byrjum á þessum eftir tvo daga. Það er góð stemning í hópnum og mér lýst vel á verkefnið. Þetta er hreinn úrslitaleikur og í þannig aðstæðum getur allt gerst, ég er ekki veðjandi maður en ég myndi aldrei veðja gegn Íslandi í þeim aðstæðum," segir Hjörtur en Sæbjörn Steinke ræddi við hann á hóteli landsliðsins í Búdapest.
„Uppleggið er að fara í tvo úrslitaleiki en byrjum á þessum eftir tvo daga. Það er góð stemning í hópnum og mér lýst vel á verkefnið. Þetta er hreinn úrslitaleikur og í þannig aðstæðum getur allt gerst, ég er ekki veðjandi maður en ég myndi aldrei veðja gegn Íslandi í þeim aðstæðum," segir Hjörtur en Sæbjörn Steinke ræddi við hann á hóteli landsliðsins í Búdapest.
„Ísrael er sterkur andstæðingur en við vitum hvar við höfum þá og hvar við erum. Við getum alveg gert góða hluti á móti þeim."
Ánægður með sitt framlag
Hjörtur vonast auðvitað eftir að byrja í leiknum á fimmtudag en hann hefur leikið vel þegar hann hefur fengið traustið í landsliðinu.
„Ég er búinn að vera gríðarlega ánægður með mitt framlag. Að spila fyrir Ísland er það besta sem maður gerir og maður gerir það með bros á vör. Vonandi fæ ég fleiri tækifæri til að gera það í framtíðinni."
Hjörtur segir frábært að spila með Sverri Inga Ingasyni í hjarta varnarinnar.
„Það er frábært að spila með Sverri, ég spilaði mikið með honum í U21 landsliðinu og hef spilað með honum hér. Frábær 'makker'"
Í viðtalinu, sem sjá má í heild í sjónvarpinu hér að ofan, ræðir Hjörtur nánar um sína stöðu í landsliðinu og einnig um stöðu mála hjá félagsliði sínu, Pisa á Ítalíu, þar sem hann hefur ekki fengið mikið að spila.
Athugasemdir