Gylfi Þór Sigurðsson á æfingu Vals í morgun.
Gylfi Þór Sigurðsson er mættur til landsins og æfði í morgun á N1 vellinum að Hlíðarenda fyrir fyrsta leik sinn með Val.
Valur mætir ÍA í undanúrslitum Lengjubikars karla klukkan 18:00 á morgun og það verður fyrsti leikur Gylfa í búningi Vals en hann gekk í raðir félagsins fyrir helgi.
Það var allra veðra víti á Hlíðarenda í morgun þegar æfingin fór fram, ýmist sól og logn, eða snjóbylur sem gekk yfir völlinn. Menn létu það þó ekki á sig fá.
Í þjálfarateymi Vals er Viktor Unnar Illugason sem leiðbeindi Gylfa á æfingunni í dag. Hann og Gylfi hófu atvinnumannaferilinn saman þegar þeir fóru ungir að árum til Reading frá Breiðaliki.
Hér að neðan má sjá nokkrar vel valdar myndir af æfingu Vals í morgun.
Gylfi og Viktor Unnar takast í hendur í upphafi æfingarinnar.
Tíu armbeyjur á Gylfa, Viktor Unnar fylgist með.
...svo gerirðu þetta bara svona!
Athugasemdir
