Kristján segir Hauka þurfa að sanna að fleiri geti skorað mörk en Björgvin Stefánsson.
Kristján Ómar Björnsson var nokkuð sáttur með leik sinna manna gegn Vestra í dag en leikurinn fór 3-1 fyrir Hauka sem eru þar með komnir áfram í næstu umferð Mjólkurbikarsins.
„Við vorum fínir í dag, svolítið lengi í gang og smá hrollur í mönnum, það var fínt að hrista það af sér í bikarleik." sagði Kristján Ómar við Fótbolta.net.
„Við vorum fínir í dag, svolítið lengi í gang og smá hrollur í mönnum, það var fínt að hrista það af sér í bikarleik." sagði Kristján Ómar við Fótbolta.net.
Lestu um leikinn: Haukar 3 - 1 Vestri
„Vestri er hörkulið, þeir eru búnir að bæta sig mikið frá því að við mættum þeim í vetur, þá unnu þeir okkur 2-0 svo við hljótum að vera búnir að bæta okkur."
„Við erum í rauninni Grindavík 1.deildarinnar, við þurfum að sanna að einhver annar en Björgvin Stefánsson geti skorað.", sagði Kristján aðspurður að því hvernig sóknarleikur liðsins yrði í sumar.
Kristján ræddi að lokum aðeins um Þóri Jóhann Helgason sem fór yfir í FH á dögunum.
„Við fögnum því bara að FH líti yfir lækinn og að eitt besta lið landsins vilji fá leikmann frá Haukum. Þá hljótum við að vera að gera eitthvað rétt."
Viðtalið í heild sinni má sjá í meðfylgjandi myndbandi.
Athugasemdir
