„Við vorum í rútuferð í rúmar 90 mínútur eftir leik þannig ég horfði á leikinn í rútunni. Það var góð upplifun og ég hafði gaman af því. Þetta var flott frammistaða," sagði Freyr Alexandersson þjálfari íslenska kvennalandsliðsins fyrir æfingu í Ermelo í morgun aðspurður að því hvort hann hafi horft á leik gærkvöldsins aftur.
Ísland tapaði þar gegn Frökkum í fyrsta leik liðanna á EM í Hollandi 1-0.
Ísland tapaði þar gegn Frökkum í fyrsta leik liðanna á EM í Hollandi 1-0.
Dómari leiksins sú ítalska,Carina Vitulano var heldur umdeild fyrir sína frammistöðu í leiknum.
„Langar þér að ræða það?
„Þetta er mjög einfalt. Hún dæmdi leikinn illa yfirhöfuð. Þetta er eitthvað sem við stjórnum ekki. Þegar ég meina að hún dæmdi leikinn illa yfirhöfuð þá var það bæði gagnvart okkur og Frökkunum. Við áttum að fá möguleika rautt spjald á Ingibjörgu, mögulega gult spjald á Sísí, ef hún dæmir víti á Elín Mettu þá átti hún að dæma víti á Söru og að sama skapi á Wendy Renard að fá á sig víti og Laura Georges í innköstunum og hornunum og það er endalaust af svona atvikum. Það er pirrandi þegar fótboltinn er með enga línu en mér fannst við samt ekki láta það trufla okkur í leiknum en þegar stóra atvikið á 86. mínútu kom, þá verður það tilfinningaþrungið og svekkjandi. Við getum ekki breytt því núna," sagði Freysi sem er stoltur af gærdeginum.
„Hugarfarið, nærveran og krafturinn í öllum sem er hérna með okkur í Hollandi og á Íslandi, þetta var flottur dagur og svekkjandi að fá ekki stig. Þetta er síðasta viðtalið og þá er Frakkland búið og frá því að æfingin byrjar hér á eftir þá er bara Sviss. Það er fundur í kvöld um Sviss og einbeitingin er bara um það. Við verðum svo sannarlega klár og við erum svo hungruð að fara og vinna Sviss."
Ísland mætir Sviss í næsta leik en bæði lið eru án stiga eftir fyrstu umferðina.
„Ég held að bæði lið séu meðvituð með það að tap setji okkur í þá stöðu að örlögin eru ekki lengur í okkur stöðu fyrir síðasta leikinn og það vill það enginn. Jafntefli heldur báðum liðum inn í mótinu og sigur setur okur í lykilstöðu. Þetta verður klikkaður leikur og þvílík stemning. Þeir sem voru að hugsa um það að koma til Hollands, drífið ykkur og hjálpið okkur í stúkunni og njótið þess að vera hérna í góða veðrinu í Hollandi," sagði Freysi.
Viðtalið í heild sinni má sjá í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir