Zlatan Ibrahimovic hefur reynst Manchester United gulls ígildi og er einn besti leikmaður sem komið hefur í ensku úrvalsdeildina á frjálsri sölu, án samnings.
En hvar er hann á listanum yfir alla þá bestu sem hafa komið til Englands á frjálsri sölu? Daily Mail kannaði það og skoðaði hversu djúp spor leikmenn mörkuðu.
En hvar er hann á listanum yfir alla þá bestu sem hafa komið til Englands á frjálsri sölu? Daily Mail kannaði það og skoðaði hversu djúp spor leikmenn mörkuðu.
10 Mark Schwarzer (Middlesbrough til Fulham) - Varð aðalmarkvörður Fulham í fimm ár og liðið hafnaði aldrei neðar en í 12. sæti. Liðið féll svo tímabilið eftir að hann fór.
9 Kevin Davies (Southampton til Bolton) - Leiddi sóknarlínu Bolton í áratug og er markahæsti leikmaður félagsins í úrvalsdeildinni, með yfirburðum.
8 Demba Ba (West Ham til Newcastle) - Fenginn þegar Hamrarnir féllu og á 18 mánuðum skoraði hann 29 mörk í 51 byrjunarliðsleik í deildinni áður en Chelsea hirti hann.
7 Michael Ballack (Bayern til Chelsea) - Þvílíkur fengur. Spilaði yfir 150 leiki fyrir Chelsea, skoraði 25 mörk, lyfti bikurum og varð Englandsmeistari.
6 Gianluca Vialli (Juventus til Chelsea) - Hjálpaði Chelsea að vinna sinn fyrsta bikar í 25 ár á sínu fyrsta tímabili. Varð lykilmaður og svo spilandi stjóri í lokin. Áhugavert hjá manni sem kom á frjálsri sölu!
5 Gary McAllister (Coventry til Liverpool) - Houllier fékk hann óvænt til félagsins, 35 ára gamall leikmaður á leið niður brekkuna. En hann reyndist frábær viðbót og vann fimm titla með Liverpool á 12 mánuðum. Skoraði sigurmark gegn Barcelona í undanúrslitum UEFA Cup og var valinn maður leiksins í úrslitaleiknum.
4 Ruud Gullit (Sampdoria til Chelsea) - Kom sem risastjarna. Evrópumeistari með Hollandi og tvívegis sigurvegari í Meistaradeildinni með AC Milan. Varð fyrsti erlendi stjórinn til að lyfta FA-bikarnum og hjálpaði Chelsea að verða að því nútímafélagi sem það er í dag.
3 Zlatan Ibrahimovic (PSG til Manchester United) - Risi í evrópskum fótbolta en margir efuðust þegar hann var fenginn. Efasemdarraddir hafa þagnað og Zlatan gert 24 mörk í 36 leikjum. Hann þarf að leiða Manchester United til Englandsmeistaratitils til að hirða efsta sætið á þessum lista.
2 Jay-Jay Okocha (PSG til Bolton) - Svo góður að þeir skírðu hann tvisvar. Þessi ótrúlegi skemmtikraftur varð goðsögn hjá Bolton. Hann var lykilmaður hjá Bolton og átti svo skemmtileg tilþrif og flott mörk að hann var í uppáhaldi allra sem fylgdust með ensku deildinni.
1 Sol Campbell (Tottenham til Arsenal) - Ein umtöluðustu félagaskipti í sögu Englands og ein þau bestu. Hann yfirgaf Spurs fyrir erkifjendurna og hefur aldrei verið fyrirgefið af stuðningsmönnum Tottenham. Hjá Arsenal varð hann ómetanlegur klettur í magnaðri vörn. Vann úrvalsdeildina tvívegis með Arsenal.
Athugasemdir
