Hollenski miðvörðurinn Dean Huijsen hefur verið að gera flotta hluti á láni hjá AS Roma frá Juventus.
José Mourinho, fyrrum þjálfari Roma, hefur miklar mætur á Huijsen og krækti í hann á lánssamningi í janúar.
Huijsen er aðeins 18 ára gamall og hefur nú þegar spilað 12 deildarleiki fyrir Roma á tímabilinu, þar sem hann hefur skorað tvö mörk og gefið eina stoðsendingu.
Huijsen framlengdi samning sinn við Juve áður en hann hélt til Roma á láni og hefur hann ekki áhuga á að vera áfram í höfuðborginni þrátt fyrir áhuga.
„Ég sný aftur til Juventus í sumar og ég vil vera þar áfram," sagði Huijsen meðal annars í viðtali við La Gazzetta dello Sport.
Huijsen vill ekki vera lánaður aftur frá Juve og vill fá spiltíma með aðalliðinu. Annars gæti hann hugsað um að róa á önnur mið.
Athugasemdir