Framtíð Kylian Mbappe hefur verið í lausu lofti ansi lengi en það er orðið ljóst að hann mun ekki spila með PSG á næstu leiktíð.
Það virðist vera opinbert leyndarmál að hann muni semja við Real Madrid í sumar en hann hefur haldið spilunum þétt að sér og hefur ekkert viljað gefa upp um framtíð sína.
Hann tjáði sig við fréttamenn í gær fyrir leik franska landsliðsins gegn Þýskalandi sem mætast í æfingaleik í kvöld. Þar sagði hann að það verði ljóst hvað hann muni gera fyrir Evrópumótið í Þýskalandi sem hefst um miðjan júní.
Ólympíuleikarnir hefjast rúmum mánuði síðar en landsliðin tefla þar fram u23 ára liðum auk nokkurra eldri leikmanna. Mbappe segist dreyma um að taka þátt á mótinu en hefur ekki fengið staðfestingu á því að hann sé í hópnum.
Athugasemdir
