Cristiano Ronaldo er strax orðinn pirraður á Rafael Benítez, nýráðnum þjálfara Real Madrid, ef marka má viðbrögð hans á æfingum undanfarna daga.
Spænskir fjölmiðlar segja að Ronaldo hafi látið Benítez heyra það á dögunum þar sem hann telur að einungis portúgölskum leikmönnum sé refsað fyrir brot á æfingum.
Ronaldo var síðan allt annað en skemmt þegar Benítez var með sláarkeppni á æfingu í gær þar sem leikmenn áttu að hitta í slána.
„Boltinn á að fara þarna inn, í netið," sagði Ronaldo við Benítez áður en hann bætti við nokkrum blótsyrðum.
Hér að neðan má sjá myndband af sláarkeppninni.
Athugasemdir