Heimild: BBC 

---

Danny Ings, framherji Burnley, hefur hafnað tilboði frá Real Sociedad en hann ætlar frekar að ganga til liðs við Liverpool í sumar. (Daily Mirror)

David Moyes, þjálfari Real Sociedad, vill fá Bryan Oviedo frá sínu gamla félagi Everton. (Daily Express)

Arsenal og Manchester City eru að skoða Godfred Donsah, 18 ára miðjumann Cagliari. Tottenham hefur einnig verið að fylgjast með Godfred. (London Evening Standard)

David De Gea er nálægt því að ganga frá nýjum samningi við Manchester United eftir að áhugi Real Madrid á honum minnkaði. (Daily Mail)

Glenn Murray, framherji Crystal Palace, er ekki á leið til Bournemouth á láni eins og orðrómur hefur verið um. (South London Press)

Enska úrvalsdeildin er að íhuga að lögsækja FIFA eftir að ákveðið var að HM í Katar 2022 muni fara fram um vetur. (Independent)

FIFA gæti svarað með því að biðja UEFA um að banna ensk félög úr Evrópukeppnum. (Daily Express)

Neymar reifst við stuðningsmann Manchester City eftir að honum var skipt af velli í gærkvöldi. (Daily Mail)

Gary Neville segir að Louis van Gaal eigi ekki að missa starfið þó að Manchester United nái ekki sæti í topp fjórum. (Talksport)

Peter Schmeichel, fyrrum markvörður Manchester United, segir að það sé rétt hjá Van Gaal að nota leiðinlega taktík með löngum sendingum. (Sun)

Phil Dowd segist hafa gert mistök þegar hann gaf Wayne Rooney vítaspyrnu gegn Preston á dögunum. (Daily Mail)

Newcastle ætlar ekki að setja Jonas Gutierrez strax aftur í aðalliðið en hann hefur hafið æfingar að nýju eftir að hafa sigrað baráttu við krabbamein. (Sun)

Randy Lerner, eigandi Aston Villa, hefur sett 150 milljóna punda verðmiða á félagið. (Daily Mirror)

Bakslag hefur komið í meiðsli Thomas Vermaelen en hann hefur ekki ennþá spilað með Barcelona síðan hann kom frá Arsenal síðastliðið sumar. (Daily Mail)