Stjarnan og ÍBV mættust í fyrri undanúrslitaleik Borgunarbikars karla í kvöld en leikið var á Samsung vellinum í Garðarbænum.

Bæði lið fengu færi til þess að skora í fyrri hálfleik en ekki vildi boltinn fara inn og var markalaust í hálfleik.

Eyjamenn byrjuðu af krafti í seinni hálfleik en Stjarnan náði fljótlega yfirhöndinni og það skilaði sér á 60. mínútu. Þá skoraði Hilmar Árni en líklega ætlaði hann að gefa boltann fyrir markið. En inn fór boltinn og markið telur.

En þá var komið að Kaj Leo í Bartalsstovu. Hann lék tvo varnarmenn Stjörnunnar og lét vaða á markið. Haraldur varði boltann til hliðar og var Hafsteinn Briem mættur og skoraði í autt markið.

Skömmu síðar átti Sindri Snær frábæra sendingu á Kaj Leo sem tók á rás og lét svo vaða. Inn fór boltinn og staðan orðin 2-1 fyrir ÍBV.

Stjarnan sótti stíft síðustu mínútur leiksins en tókst ekki að jafna leikinn. ÍBV er því komið í úrslitaleik Borgunarbikarsins annað árið í röð og mæta þeir annað hvort FH eða Leikni R. á Laugardalsvellinum.