Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   mán 28. júlí 2014 17:30
Magnús Már Einarsson
Rúnar Páll og Klopp tvífarar - „Þetta er húmor"
Líkir! Rúnar Páll og Jurgen Klopp.
Líkir! Rúnar Páll og Jurgen Klopp.
Mynd: Samsett - Fótbolti.net - Hafliði Breiðfjörð / NordicPhotos
Margir Stjörnumenn vilja meina að Rúnar Páll Sigmundsson þjálfari liðsins sé ansi líkur Jurgen Klopp þjálfara Borussia Dortmund.

,,Þetta er húmor og það er gaman að þessu," sagði Rúnar Páll við Fótbolta.net í dag aðspurður út í málið.

,,Við erum báðir með gleraugu og smá skegg, það er það eina sem er líkt með okkur. Hann er 2,20 á hæð og ég er 1,30 en þetta er húmor og það er gaman að þessu," sagði Rúnar léttur.

,,Klopp er frábær þjálfari og er búinn að gera frábæra hluti með þetta Dortmundar lið. Hann hefur lyft liðinu upp á þvílíkan stall."

Rúnar Páll hefur gert flotta hluti með lið Stjörnunnar en liðið er taplaust í 2. sæti í Pepsi-deildinni. Á fimmtudag mætir liðið síðan Lech Poznan í 3. umferð Evrópudeildarinnar.
Athugasemdir
banner
banner