Sevilla er aðeins þremur stigum fyrir ofan fallsvæðið, á meðan Getafe er tíu stigum þar fyrir ofan og getur reynt að lauma sér í evrópubaráttuna með nokkrum sigrum í röð í næstu leikjum.

Botnlið Almeria vann sinn fyrsta deildarleik á tímabilinu í síðustu umferð og tekur á móti spræku liði Osasuna í dag, áður en Valencia og Mallorca eigast við.

Valencia er í leit að sigri í baráttunni um evrópusæti á meðan Mallorca er fimm stigum fyrir ofan fallsvæðið.

Barcelona spilar við Las Palmas í lokaleik kvöldsins, þar sem Börsungar geta unnið sinn þriðja deildarleik í röð og minnkað bilið á milli sín og toppliðs Real Madrid niður í fimm stig. Las Palmas hefur gengið herfilega að undanförnu og er liðið að missa af evrópubaráttunni.

Leikir dagsins:
13:00 Getafe - Sevilla
15:15 Almeria - Osasuna
17:30 Valencia - Mallorca
20:00 Barcelona - Las Palmas