fös 25. október 2019 11:40
Magnús Már Einarsson
Árni Vill líklega á leið aftur til Úkraínu
Árni Vilhjálmsson.
Árni Vilhjálmsson.
Mynd: Fótbolti.net - Hafliði Breiðfjörð
Árni Vilhjálmsson er líklega á leið í úrvalsdeildina í Úkraínu á nýjan leik en þetta staðfesti hann í samtali við Fótbolta.net í dag.

Hinn 25 ára gamli Árni hefur verið án félags undanfarnar vikur eftir að hann rifti samningi sínum við Termalica Nieciecza í Póllandi.

Fyrr á þessu ári var Árni á láni hjá Chornomorets Odesa í Úkraínu en hann skoraði sjö mörk í tólf leikjum í úrvalsdeildinni þar í landi og vakti athygli fyrir frammistöðu sína. Nú er líklegt að hann fari aftur til Úkraínu.

„Ég er að tala við lið í Úkraínu núna sem ég mun að öllum líkindum skrifa undir hjá. Ég get ekki sagt nafnið á liðinu en ef allt er eðlilegt þá ætti ég að skrifa undir um næstu helgi hjá þeim. Ég flyg út í næstu viku og fer í læknisskoðun," sagði Árni við Fótbolta.net í dag.

Árni var í síðustu viku í Englandi þar sem hann átti í viðræðum við félag í ensku C-deildinni en þær viðræður gengu ekki upp.
Athugasemdir
banner
banner
banner