Fram kemur á Daily Mail að Feyenoord sé að vonast til að ganga frá samkomulagi við Liverpool á næstu 48 klukkustundum - núna um helgina.

Feyenoord er að vonast til að fá rúmlega 8,5 milljónir punda (10 milljónir evra) fyrir Slot og svo þarf Liverpool líka að borga til þess að fá starfsmenn með honum.

Það er ekki langt á milli félaganna í viðræðunum.

Slot vill fá aðstoðarþjálfara sinn, Sipke Hulshof, með sér og líklega einn úr þjálfarateyminu í viðbót. Þá gæti heilarpakkinn verið upp á 13 milljónir evra.

„Það er alveg klárt að ég vil þetta starf. Ég veit bara að félögin eru að tala saman, á meðan er ég á biðstofunni," sagði Slot í gær, en það verður fróðlegt að fylgjast með því hvað gerist um helgina.