Rúnar Páll Sigmundsson þjálfari Fylkis fagnaði í dag stórafmæli en í dag varð hann 50 ára gamall, því miður fyrir Rúnar fékk hann kannski ekki afmælisgjöfina sem hann átti von á en Fylkismenn töpuðu 2-1 fyrir Fram í kvöld.
Lestu um leikinn: Fram 2 - 1 Fylkir
"Þetta var sérstakur leikur, töpum leiknum á einhverjum 10 mínútna kafla, missum fókus og verðum bara ólíkir sjálfum okkur. Oft í svona tilfelli þegar markmaður ver víti fær liðið extra boost en það var öfugt í dag og vorum bara ólíkir okkur í fyrri hálfleik. Þessi mörk sem við fáum á okkur og svo bara sendingar og móttökur, virkuðum smeykir og hræddir"
"Svo í seinni hálfleik fer leikurinn bara 99% fram á vallarhelmingi Framara og náðum ekkert að skapa okkur mikið fyrr en í blá lokin, Fram fær svo ekkert mikið fleiri færi en þau sem þeir skora úr í fyrri hálfleikinn. Þetta hefur verið saga okkar byrjun sumars en verðum bara að halda áfram, brosa og mæta ferskir í næsta leik" Sagði Rúnar í viðtali eftir leik.
Hvers vegna ná Fylkismenn að skapa svona lítið ef boltinn fer svona mikið fram á vallarhelmingi Framara?
"Framarar bara verjast gríðarlega vel, við þurfum bara að nýta þessi moment þegar við erum komnir nálægt teignum þeirra, finna réttu mennina út í teig og annað slíkt en oft á móti svona liðum sem verjast vel þá þarftu að nýta það sem þú færð og við gerðum það því miður ekki"
Matthias Præst hefur verið gríðarlega öflugur í byrjun móts og virðist mikill happafengur fyrir Fylki en hann átti heldur betur slæman dag, Rúnar sammála?
"Já já menn geta átt upp og niður frammistöður og það voru nú fleiri í okkar röðum sem áttu ekki sínar bestu frammistöður því miður og það bara gengur og gerist í fótboltanum þannig ekkert endilega við þá að sakast"
Viðtalið við Rúnar má sjá í heild sinni hér fyrir ofan. Fótbolti.net óskar Rúnari til hamingju með stórafmælið.
Athugasemdir