„Bara sáttur undir restina að klára eitt stig, en eins og leikurinn var mestmegnis finnst mér þetta klárlega tvö töpuð stig,'' sagði Atli Sigurjónsson, leikmaður KR, eftir 1-1 jafntefli við KA í Bestu-deild karla í dag. Atli var maður leiksins að mati fréttamanns og skoraði mark KR-inga í viðburðarríkum leik.
Lestu um leikinn: KA 1 - 1 KR
Guy Smit, markvörður KR, fékk rautt spjald á 75. mínútu þegar KR leiddi 0-1. Hvernig horfði það atvik við Atla?
„Eins og mér var sagt, þá voru þetta einhverjar 8 sekúndur. Mér finnst bara galið að reka hann útaf fyrir það. Það er ekki hægt að ætlast til þess að markmaður sé einhverjar 5-6 sekúndur að taka markspyrnu bara restina af leiknum, þó að hann sé kominn með gult spjald.''
Svar glottandi Atla við því hvort að mögulega hefði Twana Khalid Ahmed látið undan þrýstingi frá stúkunni var stutt og laggott: „Gæti verið.''
Viðtalið má sjá í heild sinni í spilaranum hér að ofan.
