Pep Guardiola, stjóri Manchester City, hrósaði Gylfa Þór Sigurðssyni eftir 3-1 sigur City gegn Everton í ensku úrvalsdeildinni í dag.
„Það er alltaf erfitt að koma hingað. Við byrjuðum vel í fyrri hálfleiknum og vorum ótrúlegir fyrstu 25 mínúturnar. Eftir það, þá áttum við í vandræðum með Sigurdsson," sagði Guardiola.
Hann sagði að það hefði reynst basl að reyna að hafa stjórn á íslenska landsliðsmanninum.
„Everton er með ótrúlega góða leikmenn framarlega á vellinum, reynslu á miðjunni og góðan stjóra. Við vissum að þetta yrði efiður leikur."
Fyrir frammistöðu sína í leiknum fékk Gylfi 6 í einkunn frá Sky Sports. Liverpool Echo var sammála og gaf honum einnig 6.
🗣| Pep Guardiola:
— City Chief (@City_Chief) September 28, 2019
“It's always difficult here. First half we started incredible the first 20-25 minutes, then we had problems to control Sigurdsson in that position.
But we created from wide areas in the second half and we had the quality of Riyad Mahrez for the goal.” pic.twitter.com/axy3I0CA5B
Athugasemdir