Enska úrvalsdeildin var að staðfesta frábærar fregnir fyrir knattspyrnuheiminn.
1130 leikmenn og starfsmenn fóru í kórónuveirupróf fyrir helgi og komu öll prófin til baka neikvæð.
Þetta er í fjórða sinn sem leikmenn og starfsmenn eru prófaðir við veirunni en í fyrsta sinn sem ekkert próf kemur jákvætt til baka.
Í heildina hafa tólf manns verið greindir með veiruna í úrvalsdeildinni úr 3882 prófum.
Stefnt er á að hefja leik í ensku úrvalsdeildinni á ný 17. júní og virðist ekkert vera því til fyrirstöðu ef fram heldur sem horfir.
Tíu ný smit eru í Championship deildinni eftir niðurstöður úr 1058 prófum. Þá eru sjö ný smit í D-deildinni.
Athugasemdir