Margir bíða spenntir eftir því að sjá hvernig byrjunarlið Manchester United verði gegn QPR á sunnudag. United er enn án sigurs eftir þrjá leiki en stjórinn Louis van Gaal sótti liðsstyrk skömmu áður en félagaskiptaglugganum var lokað.
Mun sá hollenski halda sig við 3-5-2 sem hefur reynst liðinu illa í upphafi tímabils? Radamel Falcao, Angel Di Maria, Wayne Rooney, Robin van Persie og Juan Mata berjast allir um byrjunarliðssæti en á meðfylgjandi mynd má sjá hvernig Guardian spáir liðinu.
Falcao, Marcus Rojo og Daley Blind fara allir inn í byrjunarliðið samkvæmt því sem Guardian spáir. Ljóst er að varnarmaðurinn Phil Jones verður fjarri góðu gamni en hann er meiddur og verður frá næstu fjórar vikurnar.
Í fyrsta sinn síðan 1962-63 er United aðeins að keppa um tvo bikara á þessum tímapunkti. Liðið ætti að vinna QPR en það hefur ekki beðið lægri hlut gegn Lundúnaliðinu í síðustu 15 viðureignum (12 sigrar, 3 jafntefl).
Rio Ferdinand, varnarmaður QPR, snýr aftur á Old Trafford en hann lék 455 leiki fyrir United og vann 10 titla með félaginu.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir