Carlo Ancelotti. Karlremba?
Carlo Ancelotti náði að setja samskiptamiðla og feminista á hliðina með ummælum sínum á fréttamannafundi í gær. Þessi gamalreyndi þjálfari Real Madrid var þá spurður út í hörkuna sem grannarnir í Altetico Madrid eru þekktir fyrir.
„Fótbolti er leikur fyrir karlmenn en ekki smástelpur," sagði Ancelotti sem telur að lið Atletico sé alls ekki of gróft.
„Fótbolti er leikur fyrir karlmenn en ekki smástelpur," sagði Ancelotti sem telur að lið Atletico sé alls ekki of gróft.
Borgarslagurinn í Madríd verður í kvöld þegar Real og Atletico eigast við klukkan 18 en leikurinn verður beint á Stöð 2 Sport.
Ef það var ekki nóg að Ancelotti næði að móðga marga með þessum ummælum sínum þá ákvað Enique Cerezo, forseti Atletico Madrid, að strá salti í sárin.
„Ancelotti er sannur herramaður og hefur algjörlega rétt fyrir sér, fótbolti er ekki fyrir stelpur. Það eru ákveðnir fjölmiðlamenn sem segja að við séum of grófir og spilum slagsmálabolta. Ég vil biðja þá fjölmiðlamenn að nefna mér leikmann Atletico sem hefur verið dæmdur í níu mánaða bann," sagði Cerezo.
Athugasemdir
