Sofyan Amrabat hefur ekki slegið í gegn hjá Manchester United í vetur en hann er á láni frá Fiorentina á Ítalíu.
Amrabat vakti mikla athygli með frammistöðu sinni á HM í Katar með Marokkó en þar fór liðið alla leið í undanúrslitin.
Í kjölfarið voru nokkur stórlið á eftir Amrabat en hann endaði á því að fara til Manchester United á láni síðasta sumar. United getur keypt leikmanninn að lánssamningi loknum en nú er greint frá því að félagið mun ekki gera það.
Amrabat hefur verið í aukahlutverki hjá United og hefur hann ekki fundið sig í enska boltanum til þessa.
Gazzetta dello Sport segir frá því að Juventus hafi áhuga á að fá leikmanninn til liðsins í sumar frá Fiorentina.
Athugasemdir