---

Manchester United gæti selt fyrirliða sinn, Wayne Rooney, í kínversku ofurdeildina þar sem kínversk lið geta verslað til 28.febrúar næstkomandi. (Telegraph)

Ademola Lookman, leikmaður Everton og enska unglingalandsliðsins, er eftirsóttur af nígeríska knattspyrnusambandinu en hann gæti valið að leika fyrir Nígeríu. (Mirror)

AC Milan hefur áhuga á Moussa Sissoko en þessi 27 ára gamli franski miðjumaður er sagður ósáttur í herbúðum Tottenham. (Calciomercato)

John Terry hefur hafnað góðum tilboðum frá Bandaríkjunum þar sem hann vill frekar lyfta Englandsmeistaratitlinum hjá Chelsea í fimmta skiptið. (Daily Star)

Michael Oliver gæti fetað í fótspor Mark Clattenburg og yfirgefið ensku úrvalsdeildina til að dæma annars staðar fyrir betri laun. Oliver er með tilboð frá MLS deildinni. (Sun)

Antonio Conte, stjóri Chelsea, er sannfærður um að hann geti haldið Diego Costa hjá Lundúnarliðinu til lengri tíma. (Daily Mail)

Dominic Solanke, 19 ára framherji Chelsea, mun ganga í raðir Liverpool þegar samningur hans við Chelsea rennur út í lok tímabilsins. (Sun)

Chelsea ætlar að blanda sér í baráttuna um miðjumanninn Mahmoud Dahoud sem hefur verið orðaður við Liverpool og fleiri félög. (Guardian)

Slaven Bilic, stjóri West Ham, fylgist náið með Fode Ballo-Toure, tvítugum varnarmanni PSG, sem verður samningslaus næsa sumar. (Madein Foot)

Jackson Irvine, 23 ára gamall miðjumaður Burton Albion, hafnaði stóru tilboði frá Kína þar sem honum dreymir um að spila í ensku úrvalsdeildinni. (Sun)