Fylkir og Gunnlaugur Fannar Guðmundsson hafa komist að samkomulagi um riftun á samningi leikmannsins.
Gunnlaugur samdi við Fylki í vetur og skrifaði undir tveggja ára samning við félagið. Hann gekk til liðs við félagið frá Keflavík þar sem hann lék 24 leiki í deild og bikar síðasta sumar.
Hann er 29 ára gamall varnarmaður sem lék á sínum tíma þrjá leiki með yngri landsliðum Íslands. Hann er uppalinn á Álftanesi og í Haukum og hefur í meistaraflokki leikið með Haukum, Víkingi, Kórdrengjum og Keflavík.
„Við þökkum Gulla fyrir hans tíma hjá Fylki og óskum honum velfarnaðar í framtíðar verkefnum," segir í tilkynningunni frá Fylki.
Athugasemdir