,,Ég held að hann fari út í dag eða á morgun að hitta Norðmennina. Eins og ég les það þá er hann þeirra fyrsti kostur og það kæmi mér á óvart ef það gengi ekki saman," sagði Baldur Stefánsson varaformaður knattspyrnudeildar KR í samtali við Fótbolta.net í dag.

Baldur segir að KR-ingar séu byrjaðir að taka skoða mögulegan eftirmann Rúnars ef hann fer.

,,Þetta hefur löngum þótt spennandi starf. Við erum nokkuð brattir á að við náum að finna góðan mann eða konu í þetta," sagði Baldur.

,,Við erum búnir að spá og spekúlera en það verða engar ákvarðanir teknar fyrr en við vitum þetta með Rúnar. Við getum ekki beðið endalaust og við búumst við að þessi mál komist á hreint á allra næstu dögum."

Bjarni Guðjónsson, fráfarandi þjálfari Fram, hefur einna helst verið orðaður við starfið en Baldur vildi ekki tjá sig um það hvort KR hafi rætt við hann.

Sjá einnig:
Tíu sem gætu tekið við KR ef Rúnar fer