Orri Steinn Óskarsson.
„Þetta er frábær sigur, það er geggjað að vinna og við erum núna mjög spenntir fyrir leiknum á móti Úkraínu," sagði Orri Steinn Óskarsson, sóknarmaður Íslands, eftir magnaðan 4-1 sigur gegn Ísrael í kvöld.
Strákarnir okkar munu á þriðjudaginn spila úrslitaleik við Úkraínu um sæti á Evrópumótinu eftir þennan frábæra sigur í kvöld.
Strákarnir okkar munu á þriðjudaginn spila úrslitaleik við Úkraínu um sæti á Evrópumótinu eftir þennan frábæra sigur í kvöld.
Lestu um leikinn: Ísrael 1 - 4 Ísland
„Ég er fínn, bara glaður að við höfum unnið og svekktur að hafa ekki skorað. Ég er bara mjög glaður að við unnum og það skiptir mestu máli."
Orri fékk algjört dauðafæri í stöðunni 0-0 en setti boltann fram hjá markinu.
„Boltinn kemur einhvern veginn aðeins vinstra megin og ég sparka í minn eigin fót. Það er klaufalegt og ég er svekktur að hafa ekki sett það inn. Það var svekkjandi."
„Ég er glaður við kláruðum þetta og mér fannst frammistaðan mjög góð. Við sýndum að við getum spilað."
Það voru ekki margir íslenskir stuðningsmenn í stúkunni en það heyrðist vel í þeim.
„Það var frábær stemning. Það þarf ekki endilega mikið magn af stuðningsmönnum en það heyrðist vel í þeim. Við þökkum mikið fyrir stuðninginn," sagði Orri sem segist klár í að byrja á þriðjudaginn.
Athugasemdir
