Bjarki Már lét vel í sér heyra í stúkunni en með honum á vellinum voru liðsfélagar hans í ungverska stórliðinu Vezprem.

Rodrigo Corrales, landsliðsmarkvörður Spánar í handbolta, og Hugo Descat, sem varð Evrópumeistari með Frakklandi í janúar síðastliðnum, voru með Bjarka á vellinum og voru þeir ansi glaðir þegar Ísland komst í 2-1. Báðir voru þeir merktir íslenska handboltalandsliðinu á vellinum.

„Sjá þessa kappa fagna öðru marki Íslands í Búdapest. Bjarki Már með Veszprém félaga sína; Rodrigo Corrales, landsliðsmarkmann Spánar, og Hugo Descat, franska Evrópumeistarann, í íslensku landsliðstreyju Bjarka Más. Áfram Ísland," skrifar Leifur Grímsson sem birtir mynd af þeim á samfélagsmiðlinum X en færsluna má sjá hér fyrir neðan.