Lestu um leikinn: Stjarnan 2 -  1 ÍBV

„ÍBV er með frábært lið og við vissum það vel fyrir leikinn að við þyrftum að leggja okkur 110% fram til að taka þrjú stig í dag og við gerðum það. Við hlupum eins og skrattar inni á vellinum og áttum held ég stigin þrjú skilið þó þetta hefði örugglega verið sanngjarnt jafntefli.”

Markið sem skildi liðin af í kvöld var af dýrari gerðinni en Ana Cate sendi fallegan bolta á Donnu Key sem kláraði svo af mikilli yfirvegun og öryggi.

„Ana er með ótrúlega góðan fót úti á hægri kantinum og DK er búin að vera frá í einn og hálfan mánuð næstum því en klárar þetta vel og það er gott að hafa svona sóknarmenn í okkar liði.”

Eftir að 13 umferðir eru búnar af mótinu er Stjarnan með 5 stiga forskot á Breiðablik sem er í 2.sæti. Ásgerður segir það gott að þurfa ekki að treysta á aðra en sjálfa sig en að það sé að sama skapi enn nóg eftir af mótinu.

„Auðvitað er þægilegt að vera með forskot á þær og við þurfum bara að treysta á okkur sjálfar. Þetta er í okkar höndum. Það er þægilegt. En fimm leikir. Þá er ansi mikið eftir.”

„Ég er búin að hugsa um þennan Íslandsmeistaratitil síðan í fyrra þannig að ég er aðeins byrjuð að hugsa út í hann en þetta er ekki næstum því búið,” sagði Ásgerður meðal annars en hægt er að horfa á allt viðtalið við hana í sjónvarpinu hér að ofan.