Heimild: KSÍ
Víkingur R. og Valur mætast í Meistarakeppni KSÍ á mánudaginn annan í páskum, þar sem deildarmeistarar mæta bikarmeisturum á hverju ári til að hefja nýtt keppnistímabil.
Víkingur vann bæði deild og bikar í fyrra en Valur endaði í öðru sæti deildarinnar og öðlast þannig þátttökurétt í Meistarakeppninni.
KSÍ verður með sjónlýsingu í boði frá leiknum og mun Benedikt Bóas Hinriksson sjá um að lýsa.
KSÍ bauð upp á sjónlýsingu á landsleikjum á síðasta ári sem tókst vel til, en í Meistarakeppninni verður notuð ný tækni sem veitir öllum gestum leiksins aðgang að lýsingunni, en ekki aðeins þeim sem eru blindir eða sjónskertir.
Til að geta notið sjónlýsingarinnar á meðan á leik stendur þurfa gestir eingöngu að mæta með heyrnartól. Þeir geta svo nálgast lýsinguna á heimasíðu KSÍ eða með því að hlaða niður smáforriti í símann.
Sjónlýsingin verður einnig í boði fyrir áhorfendur sem eru heima eða á ferðalagi.
Smáforritið Raydio - Audio Inklusion er hægt að hlaða niður bæði fyrir IOS og Android kerfi
IOS
Android
Einnig verður hægt að nálgast sjónlýsinguna á heimasíðu KSÍ.
Athugasemdir