Heimild: Heimasíða Newcastle United
Newcastle United tilkynnti í gærkvöldi að þeir hyggjast ekki framlengja samningi sínum við fimm leikmenn sem renna út á samningi í næsta mánuði.
Stærstu bitarnir eru þeir Jonas Gutierrez og Ryan Taylor sem yfirgefa Newcastle, sem hefur verið í tómu tjóni og endaði í 15. sæti deildarinnar, þrátt fyrir að hafa verið í fallhættu til síðasta leiks.
Auk þeirra verða Jak Alnwick, Adam Campbell og Remie Streete látnir fara frá félaginu. Facundo Ferreyra mun snúa aftur til Shaktar Donetsk eftir misheppnaða lánsdvöl hjá Newcastle í vetur.
Þess má geta að Ferreyra var fenginn á láni til Newcastle í upphafi leiktíðar. Newcastle sjá væntanlega eftir þeim lánssamning þar sem að Ferreyra sparkaði ekki svo mikið sem einu sinni í bolta í treyju Newcastle í keppnisleik.
„Þökk sé öllum knattspyrnuaðdáendum og Newcastle stuðningsmanna fyrir að styðja mig og trú á mig. Þetta er mín leið til að sýna ykkur að ég heyri í ykkur. Þið eruð mér mikilvæg, fótboltinn væri ekki samur án ykkar. Mitt framlag og mín ást tilheyrir ykkur!" segir Jonas Gutierrez á Facebook
Athugasemdir
