Sigurður Hilmar Guðjónsson varaformaður Arsenal klúbbsins, Bjarki Már Sigvaldason, Sigurður Enoksson formaður Arsenal klúbbsins og Bragi Hinrik Magnússon annar af eigendum Gaman Ferða.
Arsenaklúburinn á Íslandi, hefur með aðstoð Gaman ferða, gefið Bjarka Má Sigvaldasyni og eiginkonu hans ferð á leik Arsenal og Chelsea þann 19. janúar næstkomandi.
Bjarki hefur unnið hug og hjörtu Íslendinga með einlægni sinni og hetjulegri baráttu gegn illvígu krabbameini sem lítið verður ráðið við.
Arsenalklúbburinn afhenti Bjarka miða í ferðina á skrifstofu Gaman ferða í Hafnarfirði í gær en auk ferðarinnar fá Bjarki og eiginkona hans gjaldeyri frá klúbbnum. Þá fá þau bæði Arsenalbúninga sem og búning fyrir unga dóttur þeirra þegar þau fara í skoðunarferð á Emirates daginn fyrir leikinn sjálfan.
Arsenal hefur alltaf verið lið Bjarka í ensku úrvalsdeildinni og hann er gríðarlega spenntur fyrir ferðinni.
Bjarki hefur unnið hug og hjörtu Íslendinga með einlægni sinni og hetjulegri baráttu gegn illvígu krabbameini sem lítið verður ráðið við.
Arsenalklúbburinn afhenti Bjarka miða í ferðina á skrifstofu Gaman ferða í Hafnarfirði í gær en auk ferðarinnar fá Bjarki og eiginkona hans gjaldeyri frá klúbbnum. Þá fá þau bæði Arsenalbúninga sem og búning fyrir unga dóttur þeirra þegar þau fara í skoðunarferð á Emirates daginn fyrir leikinn sjálfan.
Arsenal hefur alltaf verið lið Bjarka í ensku úrvalsdeildinni og hann er gríðarlega spenntur fyrir ferðinni.
„Þetta er draumur að rætast hjá mér. Ég hef verið stuðningsmaður Arsenal í langan tíma og aldrei komist á heimaleik með þeim á Emirates. Þetta er algjör draumur," sagði Bjarki Már við Fótbolta.net í gær. „Ég er hrikalega spenntur og iða í skinninu. Þetta verður algjörlega geggjað."
Hér að ofan má sjá lengra viðtal við Bjarka þar sem hann ræðir tímabilið hjá Arsenal, stuðning eiginkonu sinnar við Chelsea, Unai Emery og margt fleira. „Hann þarf að taka varnarleikinn algjörlega í gegn. Ef þeir gera það þá sé ég þá berjast um fjórða sætið," sagði Bjarki meðal annars.
Athugasemdir
