Það vakti athygli þegar HK mætti KR í Lengjubikarnum að unglingalandsliðsmaðurinn Kristján Snær Frostason var ekki í leikmannahópi HK.
Kristján Snær er fæddur árið 2005 og var með U19 landsliðinu í undankeppni EM í nóvember. Alls á hann að baki átta leiki með yngri landsliðunum.
Kristján Snær er fæddur árið 2005 og var með U19 landsliðinu í undankeppni EM í nóvember. Alls á hann að baki átta leiki með yngri landsliðunum.
Ástæðan fyrir fjarveru hans var tognun aftan í læri. Fótbolti.net hafði samband við hægri bakvörðinn í dag og stefnir hann á að byrja að æfa aftur í næstu viku.
„Ég er á undirbúa mig eins vel og ég get fyrir spennandi sumar í Bestu deildinni," sagði Kristján.
Samningur hans við HK rann út í lok síðasta árs og hefur hann ekki skrifað undir nýjan samning. Kristján staðfesti að hann hefði rætt við HK um nýjan samning en ekki væri búið að skrifa undir neitt.
Á síðasta tímabili kom hann við sögu í níu leikjum og sumarið 2022 kom hann við sögu í sjö leikjum í Lengjudeildinni.
Athugasemdir