Gunnar Magnús Jónsson.
Fylkir er með fimm stig eftir fyrstu fimm leikina.
„Við töpuðum leiknum en ég er ógeðslega stoltur af stelpunum mínum," sagði Gunnar Magnús Jónsson, þjálfari Fylkis, eftir 0-2 tap gegn Breiðabliki í Bestudeild kvenna í kvöld.
„Þær voru frábærar í dag, vinnusemi, dugnaður og við gerðum það vel sem við lögðum upp með. Við lokuðum vel á Blikana og þær voru ekki að fá nein opin færi. Þær skora eftir fyrirgjöf og annað eftir ódýrt víti. Við fengum færi, skot í slá og nokkur góð færi."
„Þær voru frábærar í dag, vinnusemi, dugnaður og við gerðum það vel sem við lögðum upp með. Við lokuðum vel á Blikana og þær voru ekki að fá nein opin færi. Þær skora eftir fyrirgjöf og annað eftir ódýrt víti. Við fengum færi, skot í slá og nokkur góð færi."
Lestu um leikinn: Fylkir 0 - 2 Breiðablik
Fylkisliðið varðist vel lengst af í fyrri hálfleik en fengu á sig mark rétt fyrir leikhlé.
„Að fá mark á sig í lok hálfleiksins er súrt. Maður var farinn að undirbúa sig inn í hálfleikinn með jafnteflisstöðu en mörk geta komið hvenær sem er. Það var fúlt."
„Við gerðum okkur grein fyrir því að við vorum að fara að spila gegn besta liði landsins í dag og við gerðum okkur grein fyrir því að við þyrftum að verjast mikið. Það voru ákveðin augnablik sem við ætluðum að nýta okkur en það vantaði að klára færin á síðasta þriðjungi. Mér fannst við fá opnari færin í þessum leik."
Það var smá hiti á bekknum í seinni hálfleik. Gunnar fékk sjálfur gult spjald og fékk liðsstjórinn rautt.
„Það var í kjölfarið á þessum vítaspyrnudómi sem við vorum ósátt með. Í fyrsta lagi fengu þær horn sem við töldum að þær ættu ekki að fá og svo er kraðak inn í teig og boltinn hrekkur í höndina á okkar leikmanni. Mér skilst að hún hafi haldið höndinni upp að líkamanum. Hann ákveður að dæma vítaspyrnu. Það eru smá tilfinningar í því sem er eðlilegt. Við vorum ekki sátt. Ég fékk gult fyrir að kalla eitthvað og svo fékk liðsstjórinn rautt fyrir litlar sakir. Hann má ekki segja neitt á bekknum. Það var smá hiti," sagði Gunnar Magnús.
Fylkir er með fimm stig eftir fyrstu fimm leikina.
„Við erum nokkuð sátt við byrjunina á tímabilinu. Auðvitað værum við til í að stigin væru fleiri en með svona vinnusemi, dugnaði og ef við bætum okkur í að setja mörkin þá er ég hvergi banginn," sagði Gunnar að loum.
Athugasemdir
