Bojana Besic og Katrín Ómarsdóttir skrifuðu í dag undir þriggja ára samning við knattspyrnudeild KR um þjálfun meistaraflokks kvenna hjá félaginu.
KR hefur staðfest þetta á heimasíðu félagsins en Fótbolti.net greindi frá því á þriðjudaginn að Bojana og Katrín myndu þjálfa liðið.
KR hefur staðfest þetta á heimasíðu félagsins en Fótbolti.net greindi frá því á þriðjudaginn að Bojana og Katrín myndu þjálfa liðið.
Bojana hóf störf í KR árið 2013 og hefur verið yfirþjálfari og þjálfari yngri flokka síðan þá.
Katrín, sem er þrítug, mun vera spilandi aðstoðarþjálfari, hún er uppalin hjá félaginu og á að baki fjöldan allan af landsleikjum fyrir landslið Íslands sem og meistaraflokk KR.
Edda Garðarsdóttir hefur þjálfað KR undanfarin tvö ár en hún hætti með liðið fyrr í mánuðinum. KR endaði í 8. sæti í Pepsi-deildinni í sumar.
Athugasemdir